Rikujtimi për ndërrimin e vajit, pa harruar asnjë klient

Ndërrimi i vajit është shërbimi që përsëritet më shpesh, dhe klienti zakonisht e harron. Kush ia rikujton i pari, e merr veturën. Ja si ta bësh pa mbajtur data në kokë.

Rikujtimi e kthen klientin

Shpesh klienti nuk shkon në një servis tjetër sepse është i pakënaqur. Shkon sepse harroi, dhe dikush tjetër ia rikujtoi. Një mesazh i shkurtër në kohën e duhur e mban klientin te ti.

Cakto afatin sa e bën punën

Çasti më i mirë për ta caktuar rikujtimin është kur vetura është te ti. E di çfarë vaji hodhe dhe sa zgjat. Shënoje atëherë, jo më vonë.

Në Historiku rikujtimi bazohet në kohë: ose zgjedh një interval (p.sh. 12 muaj), ose një datë të caktuar. Ai lidhet me punën që bëre, p.sh. ndërrimin e vajit, jo me klientin në përgjithësi.

Rikujtimet e vjetra mbyllen vetë

Një rikujtim i vjetër që ka mbetur hapur është më i keq se asnjë: i shkruan klientit për diçka që e ka bërë tashmë.

Prandaj, kur vetura bën një ndërrim të ri vaji, rikujtimi i vjetër për vajin duhet të mbyllet vetë. Nëse cakton edhe një afat të ri, rikujtimi i vjetër zëvendësohet nga i riu; nëse jo, shënohet si i kryer. Historiku e bën këtë vetë dhe të tregon pse u mbyll.

Mesazhin e dërgon ti

Historiku të tregon kujt i ka ardhur afati dhe ta përgatit mesazhin. Ti e hap WhatsApp-in ose Viber-in, e lexon dhe e dërgon vetë. Asgjë nuk dërgohet pa ty.

Kjo ka një përparësi: mesazhi shkon nga numri yt dhe klienti e njeh. Dhe shkon gjithmonë te pronari i tanishëm i veturës, jo te ai që e kishte para dy vjetësh.

Një rutinë javore

Çdo të hënë, hap listën e rikujtimeve që u ka ardhur afati. Shkruaji secilit klient një rresht. Dhjetë minuta në javë, dhe klientët kthehen te ti para se t’ua kujtojë dikush tjetër.

Historiku ta mban listën gati. Provoje 30 ditë falas, pa kartë.